ព័ត៌មាន:
ព័ត៌មាន: ក្រុមហ៊ុន Xiaomi នឹងចេញលក់រថយន្តប្រភេទ SU7 នៅចុងខែកក្កដានេះ តើរថយន្តនេះអាចនឹងមានវត្តមានក្នុងទី ផ្សារប្រទេសកម្ពុជាដែរឬទេ?
MAR 28, 2024
ជាមួយនឹងការអភិវឌ្ឍន៍យ៉ាងឆាប់រហ័សនៃឧស្សាហកម្មរថយន្តពិភពលោក ជាពិសេសការប្រកួតប្រជែងដ៏ខ្លាំងក្លានៅក្នុងវិស័យរថយន្តថាមពលថ្មីនោះ ក្រុមហ៊ុន Xiaomi នឹងបញ្ចេញរថយន្តអគ្គិសនីដំបូងរបស់ខ្លួន Xiaomi SU7 នៅថ្ងៃទី 28 ខែមីនា ដើម្បីពង្រីកទឹកដីអាជីវកម្មរបស់ខ្លួន។ ក្នុងនាមជាគម្រោងច្នៃប្រឌិតដ៏សំខាន់មួយរបស់ Xiaomi ការចេញផ្សាយ Xiaomi SU7 បានទាក់ទាញការចាប់អារម្មណ៍យ៉ាងទូលំទូលាយនៅក្នុងឧស្សាហកម្មនេះ។
ប៉ុន្តែប្រឈមមុខនឹងការប្រកួតប្រជែងដ៏ខ្លាំងក្លានៅក្នុងទីផ្សារពិភពលោក តើ Xiaomi SU7 អាចកាន់កាប់កន្លែងមួយនៅក្នុងទីផ្សារដែលកំពុងរីកចម្រើនក្នុងប្រទេសកម្ពុជាដែរឬទេ?
ទិដ្ឋភាពទូទៅរបស់ Xiaomi SU7
ក្នុងនាមជាយានជំនិះអគ្គិសនីដំបូងបង្អស់របស់ក្រុមហ៊ុន Xiaomi។ Xiaomi SU7 បានទាក់ទាញកាចំណាប់រម្មណ៍យ៉ាងខ្លាំងចំពោះការកំណត់រចនាសម្ព័ន្ធបច្ចេកទេសកម្រិតខ្ពស់ និងមុខងារឆ្លាតវៃរបស់ខ្លួន។ ជាមួយនឹងទំហំរថយន្ត C-class មេគុណអូសទាប 0.195Cd ពីសូន្យទៅ 100 បង្កើនល្បឿនក្នុងរយៈពេល 2.78 វិនាទី និងថ្មអាចប្រើបានយ៉ាងយូរ 800 គីឡូម៉ែត្រ។ Xiaomi SU7 បង្ហាញពីភាពខ្លាំងរបស់ Xiaomi នៅក្នុងវិស័យរថយន្តប្រើប្រាស់ថាមពលថ្មីនេះ។ នឹងពឹងផ្អែកលើកាប៊ីនយន្តហោះឆ្លាតវៃរបស់ HyperOS និងបច្ចេកវិទ្យាបើកបរឆ្លាតវៃដែលបង្កើតដោយខ្លួនឯងពេញលេញ Xiaomi SU7 ផ្តល់ឱ្យអ្នកប្រើប្រាស់នូវបទពិសោធន៍បើកបរដ៏ល្អឥតខ្ចោះ។
Xiaomi SU7
ការវិភាគទីផ្សារកម្ពុជា។
ក្នុងនាមជាទីផ្សារដែលកំពុងរីកចម្រើននៅក្នុងតំបន់អាស៊ីអាគ្នេយ៍ អាកប្បកិរិយារបស់កម្ពុជាចំពោះយានជំនិះថាមពលថ្មីកំពុងផ្លាស់ប្តូរជាបណ្តើរៗ ហើយទីផ្សារកម្ពុជាទទួលយករថយន្តថាមពលថ្មីកំពុងកើនឡើងជាលំដាប់។
កាលពីថ្ងៃទី 14 ខែមីនា អ្នកសារព័ត៌មាន INNEWS បានសម្ភាសលោក Li Tao នាយកប្រតិបត្តិនៃវេទិកាលក់រថយន្តនៅកម្ពុជា Liberty Carz និងលោក Jacky អ្នកគ្រប់គ្រងផ្នែកលក់នៃក្រុមហ៊ុនរថយន្តនៅកម្ពុជា។ ពួកគេបានផ្តល់ទស្សនៈផ្សេងៗគ្នាលើការរំពឹងទុករបស់ Xiaomi SU7 ចូលទីផ្សារកម្ពុជា។
01 "ការរំពឹងទុករបស់ Xiaomi Auto ចូលទីផ្សារកម្ពុជាមិនទាន់ច្បាស់ទេ"
លោក Li Tao បាននិយាយថា ទោះបីជារថយន្តថាមពលថ្មីបានទទួលការចាប់អារម្មណ៍ជាសកលក៏ដោយ ប៉ុន្តែលោកមិនមានសុទិដ្ឋិនិយមចំពោះអនាគតរបស់ Xiaomi Motors នៅក្នុងទីផ្សារកម្ពុជានោះទេ។
Li Tao ជឿជាក់ថា Xiaomi Motors ប្រឈមមុខនឹងបញ្ហាប្រឈមធំៗនៅក្នុងទីផ្សារប្រទេសកម្ពុជា។ បញ្ហាចម្បងគឺស្ថិតនៅក្នុងការទទួលស្គាល់ម៉ាកយីហោ និងការកំណត់តម្លៃ។ លោកបានចង្អុលបង្ហាញថា ប្រជាប្រិយភាពរបស់ Xiaomi នៅក្នុងប្រទេសកម្ពុជា ត្រូវបានកំណត់ជាចម្បងចំពោះទីផ្សារពាក់កណ្តាលដល់កម្រិតទាប ហើយទីតាំងកម្រិតខ្ពស់របស់ Xiaomi SU7 ប្រហែលជាមិនទាក់ទាញអ្នកទិញគ្រប់គ្រាន់នោះទេ។
ជាពិសេសនៅក្នុងទីផ្សាររថយន្តនៅកម្ពុជា រថយន្តថាមពលថ្មីនៅតែស្ថិតក្នុងភាពវ័យក្មេងនៅឡើយ។ មូលហេតុដែលរថយន្តថាមពលថ្មីនៅកម្ពុជាអាចអភិវឌ្ឍបាគឺដោយសារតែតម្លៃរបស់វា។ យោងតាមស្ថានភាពទីផ្សារបច្ចុប្បន្ននេះ រថយន្តថាមពលថ្មីមានតម្លៃទាបជាងរថយន្តឥន្ធនៈ ក៏ជាកត្តាសំខាន់ក្នុងការឈានជើងចូលទៅក្នុងការយល់ដឹងរបស់អ្នកប្រើប្រាស់។
តាមសេចក្តីថ្លែងការណ៍ពីមុនរបស់លោក Lei Jun ការចំណាយរបស់ Xiaomi SU7 គឺខ្ពស់ណាស់ ហើយតម្លៃនឹងមិនថោឡើយ។ តាមប្រព័ន្អអ៊ីនធឺណែតបានព្យាករណ៍ពីតម្លៃខ្ពស់បំផុតប្រហែល 350,000 យ័ន និងតម្លៃទាបបំផុតប្រហែល 250,000យ័ន។ យោងតាមរបាយការណ៍ចុងក្រោយរបស់ភ្នាក់ងារសារព័ត៌មាន Cailian បានលើកឡើងថា "SU7 របស់ក្រុមហ៊ុន Xiaomi Automobile ផ្តល់ជូនជាពីប្រភេទ រួមទាំងប្រភេទ ស្តង់ដារ និងប្រភេទស្តង់ដារកម្រិតខ្ពស់។ ប្រភេទSU7 Max នឹងលើសពីប្រភេទWenjie M5 (309,800យ័ន ) ។
លោក Li Tao បានគូសបញ្ជាក់ថា "ប្រសិនបើតម្លៃរថយន្ត Xiaomi ខ្ពស់ជាង 60,000 ដុល្លារអាមេរិក វានឹងពិបាកសម្រាប់រថយន្តថាមពលថ្មីនេះទាក់ទាញទីផ្សារកម្ពុជា"។
នៅថ្ងៃទី 22 ខែកុម្ភៈ វេទិការថយន្តកម្ពុជា Liberty Carz និង AIQAR (ICAR) Cambodia ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Chery International Group បានចុះហត្ថលេខាជាផ្លូវការលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការយុទ្ធសាស្ត្រ។ (ទី ២ ពីឆ្វេង៖ លោកLi Tao)
គាត់បានមើលការនាំចូលប្រភេទរថយន្តថ្មីរបស់ក្រុមហ៊ុន Xiaomiនេះក្នុងទស្សនៈបែបបុរាណ។ លោក Li Tao ជឿជាក់ថា អតិថិជនលំដាប់អភិជននឹងជ្រើសយកម៉ាករថយន្តដែលមានបទពិសោធន៍យូរឆ្នាំជាង ហើយក៏មិនជ្រើសយកប្រភេទក្រុមហ៊ុនដែលល្បីល្បាញជាចម្បងលើការផលិត គ្រឿងអេឡិចត្រូនិកនោះទេ។
គាត់បានលើកបន្ថែមថា “ទោះបីជាក្រុមហ៊ុន Xiaomi មានកេរ្តិ៍ឈ្មោះខ្ពស់ក្នុងវិស័យដូចជាស្មាតហ្វូន និងឧបករណ៍ប្រើប្រាស់ក្នុងផ្ទះក៏ដោយ ក៏នៅខ្វះបទពិសោធន៍ក្នុងឧស្សាហកម្មរថយន្ត ដែលជាចំណុចសំខាន់ដែលនាំអតិថិជនខ្វះការជឿទុកចិត្ត។ បញ្ហាធំបំផុតដែលក្រុមហ៊ុន Xiaomiត្រូវប្រឈមនៅក្នុងទីផ្សារកម្ពុជានោះគឺការស្គាល់ផលិតផលនៅមានកម្រិតខ្លាំង។ ដោយហេតុអតិថិជននៅមិនទាន់ទទួលយកបានក្រុមហ៊ុនដែលតែងតែផលិតគ្រឿងអេឡិចត្រូនិចជាចម្បងមកផលិតរថយន្ត។
លោកបានបន្ថែុមថា កន្លែងសម្រាប់សាកថ្មនៅក្នុងប្រទេសកម្ពុជាមិនទាន់មានការដាក់ឲ្យប្រើប្រាស់គ្រប់គ្រាន់នោះទេ យ៉ាងណាមិញ ចំណុចនេះ អាចក្លាយជាកត្តាសំខាន់អាចនឹងបង្អក់ ដំណើទីផ្សាររបស់ Xiaomi SU7 ផងដែរ។
02 “ឡានរបស់ក្រុមហ៊ុន Xiaomi អាចនឹងក្លាយជាទីផ្សារថ្មី”
ផ្ទុយស្រឡះពីទស្សនៈរបស់ លោក Li Tao។ លោក Jacky មានគំនិតសុទិដ្ឋិនិយមជាងចំពោះ Xiaomi SU7 ចូលមកក្នុងទីផ្សារកម្ពុជា។ លោកជឿជាក់ថា នៅពេលដែលអ្នកប្រើប្រាស់វ័យក្មេងកម្ពុជាកាន់តែទទួលយកនូវបច្ចេកវិទ្យាថ្មីៗនោះ រថយន្ត Xiaomi SU7 នឹងអាចស្វែងរកទីតាំងរបស់ខ្លួននៅក្នុងទីផ្សារកម្ពុជាជាមួយនឹងបច្ចេកវិទ្យាទំនើប និងមុខងារឆ្លាតវៃរបស់វា។ ជាពិសេស អ្នកប្រើប្រាស់វ័យក្មេងរបស់កម្ពុជាកាន់តែ បើកចំហរទទួលយកបច្ចេកវិទ្យាថ្មី និងម៉ាកយីហោថ្មីៗ។ ក្នុងនាមជាក្រុមហ៊ុនបច្ចេកវិទ្យាដ៏ល្បី ការចូលទៅក្នុងវិស័យរថយន្តរបស់ក្រុមហ៊ុន Xiaomi អាចទាក់ទាញចំណាប់អារម្មណ៍របស់មនុស្សមួយក្រុមនេះ។
"បច្ចុប្បន្នម៉ាករថយន្តថាមពលថ្មីដែលមានការទទួលស្គាល់ខ្ពស់នៅក្នុងទីផ្សារកម្ពុជារួមមាន Aion, Hongqi, Denza, BYD, Dongfeng ជាដើម។ យោងតាមការស្រាវជ្រាវទីផ្សារ រថយន្តថាមពលថ្មីត្រូវបានពេញនិយមជាយ៉ាងខ្លាំងចំពោះក្រុមអ្នកប្រើប្រាស់កម្ពុជាដែលមានអាយុពី 25 ទៅ 45 ឆ្នាំ"។
ក្រុមហ៊ុន Aion Cambodia សម្ពោធរថយន្តអគ្គិសនីគុណភាពចិន Y Plus 2023 នៅផ្សារទំនើប AEON 3 ក្នុងរាជធានីភ្នំពេញ
Jacky បានសង្កត់ធ្ងន់ថា ការរចនាម៉ូត មុខងារការពារបរិស្ថាន និងបទពិសោធន៍បើកបរដ៏ឆ្លាតវៃនៃរថយន្តថាមពលថ្មី គឺជាកត្តាសំខាន់ក្នុងការទាក់ទាញអ្នកប្រើប្រាស់វ័យក្មេង។ លោកក៏បានចង្អុលបង្ហាញថា ជាមួយនឹងការគាំទ្ររបស់រដ្ឋាភិបាលចំពោះគោលនយោបាយយានយន្តថាមពលថ្មី និងការសាងសង់ទីតាំងសាកថ្មនឹងបង្កើតឡើងជាបណ្តើរៗ ដោយសារតែ ប្រជាប្រិយភាពនៃយានយន្តអគ្គិសនីនៅកម្ពុជាកើនឡើងជាលំដាប់។
Jacky ជឿជាក់ថា ជាមួយនឹងការយល់ដឹងកាន់តែច្រើនឡើងអំពីរថយន្តថាមពលថ្មី និងការសាងសង់ទីតាំងសាកថ្មនោះ Xiaomi SU7 អាចនឹងមានសក្តានុពលក្នុងការទទួលបានកការទទួលស្គាល់ក្នុងទីផ្សារកម្ពុជា។
ទោះជាយ៉ាងណាក៏ដោយ ភាពជោគជ័យឬបរាជ័យរបស់ Xiaomi SU7នៅ ក្នុងទីផ្សារកម្ពុជាមិនត្រូវបានដឹងច្បាស់ថាយ៉ាងណានោះទេ។
ដោយសារតែការយល់ឃើញពីវិស័យផ្សេងៗគ្នាផងនោះ ដំណើរការទីផ្សាររបស់ Xiaomi SU7 នឹងអាស្រ័យលើកត្តាជាច្រើន រួមទាំងការទទួលយកការផ្លាស់ប្តូរផលិតផលខ្លួន ការកែលម្អហេដ្ឋារចនាសម្ព័ន្ធរថយន្តថាមពលថ្មីនិងការស្វែងរកអតិថិជនគោលដៅនឹងការផ្សព្វផ្សាយពាណិជ្ជកម្មជាដើម។ មិនថាលទ្ធផលយ៉ាងណានោះ ការចេញលក់ Xiaomi SU7 ពិតជានឹងបន្ថែមភាពរឹងមាំថ្មីដល់ទីផ្សាររថយន្តថាមពលថ្មីនៅកម្ពុជា និងសូម្បីតែពិភពលោក។ ជាមួយនឹងការអភិវឌ្ឍបន្ថែមទៀតនៃទីផ្សារ និងការធ្វើឱ្យប្រសើរឡើងនៃការយល់ដឹងរបស់អ្នកប្រើប្រាស់ អនាគតនៃ Xiaomi SU7 នៅក្នុងប្រទេសកម្ពុជាគឺពោរពេញទៅដោយភាពដែលអាចធ្វើបាន។
ពេលវេលាកន្លងផុតទៅ ទីផ្សារនឹងផ្តល់ចម្លើយចុងក្រោយ។
ទីផ្សារនឹងផ្តល់ចម្លើយនៅពេលដែលពេលវេលាកាន់តែរំកិលទៅមុខ។
ព័ត៌មានដែលពាក់ព័ន្ធ
ម៉ាស៊ីនគ្រហឹម ឡានទំនើបៗប្រមូលផ្តុំគ្នា - Cambodia Gumball 3000 ផ្ទុះនៅកម្ពុជា!
ព័ត៌មាន - SEP 19, 2024
កាលពីថ្ងៃទី 15 ខែកញ្ញា រាជធានីភ្នំពេញ រាជធានីនៃប្រទេសកម្ពុជាត្រូវបានពន្លើឡើងទាំងស្រុងដោយសំឡេងគ្រហឹមនៃម៉ាស៊ីន ខណៈដែល Gumball 3000 ដែលជាព្រឹត្តិការណ៍រថយន្តប្រណិតលំដាប់កំពូលមួយរបស់ពិភពលោកបានបើកកម្មវិធីដ៏ប្រណិតរបស់ខ្លួនជាផ្លូវការ។ ពិធីបុណ្យនៃល្បឿន និងចំណង់ចំណ
រថយន្តសេដានទំហំមធ្យមល្អបំផុតឆ្នាំ 2024៖ ជម្រើសកំពូលសម្រាប់គ្រួសារខ្មែរ
ព័ត៌មាន - OCT 17, 2024
ស្វែងយល់ពីរថយន្តសេដានទំហំមធ្យម 7 ល្អបំផុតឆ្នាំ 2024 សម្រាប់គ្រួសារខ្មែរ។ មគ្គុទ្ទេសក៍ទូលំទូលាយរបស់យើងពន្យល់ហេតុអ្វីបានជា ម៉ូដែលដូចជា Toyota Camry, Honda City និង Kia K5 ផ្តល់នូវការរួមបញ្ចូលដ៏ល្អឥតខ្ចោះរវាងភាពងាយស្រួល សុវត្ថិភាព និងតម្លៃសមរម្យ ក្នុងទីផ្សារ
យល់ដឹងអំពីរថយន្តសេដាន៖ ការពន្យល់, ប្រភេទ, និងម៉ូដែលពេញនិយម
ព័ត៌មាន - OCT 15, 2024
ស្វែងយល់ជ្រាបអំពីរថយន្តសេដានតាមរយៈមគ្គុទ្ទេសក៍ទូលំទូលាយរបស់យើង។ រីករាយក្នុងការរៀនអំពីនិយមន័យ, លក្ខណៈសំខាន់ៗ, និងស្វែងរកប្រភេទផ្សេងៗ រួមទាំងទំហំមធ្យម, អន្តរបច្ចេកទេស, ប្រណីត, និងកីឡា។ ស្គាល់ពីម៉ូដែលពេញនិយមបំផុតនៃឆ្នាំ 2024។
មគ្គុទ្ទេសក៍ពិស្ដារអំពីប្រភេទរថយន្ត និងរចនាប័ទ្មរាងកាយ
ព័ត៌មាន - OCT 07, 2024
ស្វែងយល់អំពីប្រភេទរថយន្តផ្សេងៗ និងរចនាសម្ព័ន្ធរថយន្ត រួមទាំង Sedan SUV និងរថយន្តអគ្គិសនី ជ្រើសរើសរថយន្តត្រឹមត្រូវជាមួយ LibertyCarz
អ្នកមើលភាគច្រើន
ស្វែងយល់អំពី "ពិភពរថយន្ត" របស់កម្មវិធី Liberty Carz ដែលមានរថយន្តរហូតដល់ទៅជាង ៧០០០ គ្រឿង
JAN 18, 2024
Liberty Carz ក្នុងឆ្នាំ២០២៣៖ ពីក្តីប្រាថ្នាក្នុងការនាំនូវបរិបទថ្មីសម្រាប់ពាណិជ្ជកម្មរថយន្ត រហូតក្លាយទៅជាកម្មវិធីសម្រាប់ការទិញ លក់ និងជួលរថយន្តលេខ ១ នៅប្រទេសកម្ពុជា
JAN 05, 2024
ការធ្វើបច្ចុប្បន្នភាពលើកម្មវិធី Liberty Carz៖ រូបរាងថ្មី ទាន់សម័យសម្រាប់ការទិញយ៉ាងងាយ!
JAN 29, 2024
តើមានអ្វីថ្មីនៅក្នុងឆ្នាំ ២០២៤? Lexus RZ300e កំពុងតែមានការចាប់អារម្មណ៍ខ្លាំងក្នុងឆ្នាំថ្មីនេះ!
JAN 02, 2024
សមិទ្ធផលរបស់ពួកយើង៖ កម្មវិធី Liberty Carz - កម្មវិធីសម្រាប់ការទិញ លក់ និងជួលរថយន្តលេខមួយនៅក្នុងប្រទេសកម្ពុជា
កម្មវិធី Liberty Carz បាននាំយកមកនូវបរិបទថ្មីសម្រាប់ឧស្សាហកម្មរថយន្តក្នុងប្រទេសកម្ពុជាជាមួយនឹងសមិទ្ធផលដ៏គួរឲ្យចាប់អារម្មណ៍ក្នុងទីផ្សាររថយន្តអនឡាញនេះ។
14.6K+
ឡាន
672
ហាង
9,318
រថយន្តលក់ចេញ
924
រថយន្តត្រូវបានត្រួតពិនិត្យ