ព័ត៌មាន:
ព័ត៌មាន: មកស្គាល់នូវរថយន្តទាំង ៥ ដែលជាបិតានៃរថយន្តពិភពលោក
JAN 25, 2024
ក្នុងប្រវត្តិសាស្ត្រពិភពលោក រថយន្តគឺជាមធ្យោបាយធ្វើដំណើរដែលពេញនិយមបំផុត។ នៅសព្វថ្ងៃនេះ ឧស្សាហកម្មរថយន្តកំពុងរីកចម្រើនយ៉ាងខ្លាំងក្លា ដែលផ្ដល់នូវប្រភេទរថយន្តជាច្រើនប្រភេទ។ ម៉ូដែលរថយន្តដែលមានការរចនាបថ និងបច្ចេកវិទ្យាទំនើបៗជាច្រើនបានក្លាយទៅជាទិសដៅរបស់ក្រុមហ៊ុនផលិតរថយន្ត។ ដូច្នេះ នៅក្នុងអត្ថបទខាងក្រោមនេះ Liberty Carz នឹងវិលត្រលប់ទៅកាន់សម័យកាលពីមុនជាមួយលោកអ្នកអានដើម្បីស្វែងរក "អ្នកចម្បាំង" ដំបូងដែលតំណាងឱ្យគ្រឹះនៃរថយន្តមកដល់សព្វថ្ងៃនេះ។
1. Audi ឆ្នាំ 1910
រថយន្តរបស់ Audi គឺជាសមិទ្ធផលដ៏គួរឲ្យកត់សម្គាល់ចាប់តាំងកាលពី 110 ឆ្នាំមុន។ រថយន្តប្រភេទ A មួយនេះមានម៉ាស៊ីនបួនស៊ីឡាំង ដែលប្រើប្រាស់កម្លាំង 2612cc ភ្ជាប់ជាមួយថាមពល 22 សេះ (16.5kW តាមស្តង់ដារសព្វថ្ងៃ)។ វាមានទម្ងន់ប្រហែល 830 គីឡូក្រាម រថយន្ត 4 កៅអីនេះមានល្បឿនគួរឱ្យកត់សម្គាល់ជិត 75 គីឡូម៉ែត្រក្នុងមួយម៉ោង ដែលជាស្នាដៃដ៏គួរអោយកត់សម្គាល់សម្រាប់សម័យកាលនោះ។ ភាពប៉ិនប្រសប់នេះបាននាំឱ្យរថយន្តប្រភេទ A ចូលរួមក្នុងព្រឹត្តិការណ៍ប្រណាំងរថយន្តជាច្រើន រួមទាំងការប្រណាំងដ៏នុភាពរបស់Austrian Alpine Rally ផងដែរ។
2. Rolls Royce ឆ្នាំ 1904
វាជារថយន្ត Rolls-Royce ដែលត្រូវបានរក្សាបានល្អ និងមានអាយុកាលចាស់ជាងគេបំផុតលើពិភពលោកចាប់តាំងពីឆ្នាំ 1904 មកម្ល៉េះ។ នៅឆ្នាំ 1904 វិស្វករឈ្មោះ Henry Royce បានផលិតរថយន្ត Rolls-Royce ដំបូងគេបង្អស់។ ក្នុងអំឡុងពេលនៃការផលិតរថយន្តនេះ អភិជនមួយរូបឈ្មោះ Charles Rolls បានប្រទះឃើញគាត់នៅក្នុងរោងចក្ររថយន្ត។ ដោយការចាប់អារម្មណ៍ទៅលើស្នាដៃរបស់គាត់ Rolls បានប្រាប់ទៅកាន់ Royce ថាលោកនឹងទិញរថយន្តទាំងអស់ដែលគាត់បានផលិតប្រសិនបើរថយន្តទាំងនោះមានឈ្មោះរបស់គាត់។
បន្ទាប់ពីដំណើរការកិច្ចសហប្រតិបត្តិការរវាងភាគីទាំងពីរ រហូតដល់ឆ្នាំ ២០០៤ ទើបរថយន្តដំបូងដែលមានឈ្មោះ Rolls-Royce បានចាប់កំណើត។ រថយន្តនេះត្រូវបានបំពាក់ដោយម៉ាស៊ីនស៊ីឡាំងពីរដែលមានកម្លាំង 1809 cc ។ ទោះជាយ៉ាងណាក៏ដោយ តាមពិតទៅ Rolls-Royce បានផលិតរថយន្តដំបូងរបស់ខ្លួននៅឆ្នាំ 1906 ជាមួយនឹងម៉ាស៊ីន 8 ស៊ីឡាំងដ៏មានថាមពលខ្លាំងខ្លា។
3. Cadillac ឆ្នាំ1902
នៅខែតុលា ឆ្នាំ 1902 រថយន្តដំបូងដែលត្រូវដាក់ចេញពីរោងចក្រ Cadillac គឺ Tonneau និង Runabout ។ រថយន្ត Cadillacs ទាំងនេះបានរចនាឡើងសម្រាប់អ្នកជិះពីរនាក់ ដែលមានម៉ាស៊ីនស៊ីឡាំងតែមួយ កម្លាំង 10 សេះ និងមានរូបរាងស្រដៀងទៅនឹងរថយន្ត Ford Model A ដំបូង។ ការផលិតរថយន្ត Cadillacs ទាំងនេះបានទាក់ទាញចំណាប់អារម្មណ៍នៅឯពិព័រណ៍រថយន្ត New York ឆ្នាំ 1903 ដែលជាលទ្ធផលនាំអោយមានការបញ្ជាទិញចំនួន 2000 គ្រឿង។
នៅឆ្នាំ 1904 បន្ទាប់ពីមានការផ្លាស់ប្តូរលើកដំបូង វាត្រូវបានផ្លាស់ប្ដូរការប្រើប្រាស់ម៉ាស៊ីនសម្រាប់ម៉ូដែលទាំងពីរនេះអោយមានសមត្ថភាព 10 សេះ បង្កើតចេញពីម៉ាស៊ីនស៊ីឡាំងតែមួយប្រើប្រាស់ 1.6L ដែលមានទីតាំងនៅក្រោមកៅអីខាងក្រោយ។
4. Mercedes-Benz ឆ្នាំ 1886
នៅថ្ងៃទី 29 ខែមករា ឆ្នាំ 1886 លោក Carl Benz បានដាក់សំណើសុំប៉ាតង់មួយ (លេខ 37435) សម្រាប់ "រថយន្តដែលប្រើប្រាស់ដោយម៉ាស៊ីនសាំង"។ នេះជារថយន្តដែលមានកង់បីដែលមានម៉ាស៊ីនស៊ីឡាំងតែមួយដែលមានកម្លាំង 954cc និងមានកម្លាំង 0,75 សេះ។ ប៉ាតង់នេះត្រូវបានទទួលស្គាល់យ៉ាងទូលំទូលាយថាជាលិខិតនៃដើមកំណើតរបស់រថយន្ត។ នៅខែកក្កដាក្នុងឆ្នាំដដែល សាធារណជនបានឃើញការបង្ហាញខ្លួនដំបូងរបស់រថយន្តម៉ាក Benz Patent Motor Car ដែលមានកង់បី Model No.1 ដែលទាក់ទាញការចាប់អារម្មណ៍ជាខ្លាំង។
5. Peugeot ឆ្នាំ 1891
បង្កើតឡើងក្នុងឆ្នាំ 1842 ក្រុមហ៊ុន Peugeot ដើមឡើយជាក្រុមហ៊ុនដែលមានឯកទេសក្នុងការផលិតម៉ាស៊ីនកិនអំបិល និងម្រេចនោះទេ។ ប៉ុន្តែ 40 ឆ្នាំក្រោយមក នៅឆ្នាំ 1891 Peugeot បានបង្កើតរថយន្តដំបូងរបស់ខ្លួន ដែលបំពាក់ដោយម៉ាស៊ីន V-twin នៅកង់ខាងក្រោយ។
ក្នុងឆ្នាំដំបូង ក្រុមហ៊ុននេះផលិតរថយន្តបានតែ៥គ្រឿងប៉ុណ្ណោះ។ ប៉ុន្តែនៅឆ្នាំ 1900 ផលិតកម្មរបស់ Peugeot បានឈានដល់ 500 គ្រឿងក្នុងមួយឆ្នាំ។
សរុបមក ដំណើរការរបស់រថយន្តគឺជាដំណើរដ៏គួរឱ្យកត់សម្គាល់មួយ ដែលបង្កើតជាទិដ្ឋភាពនៃការប្រើប្រាស់ជាមធ្យោបាយធ្វើដំណើរនិងដឹកជញ្ជូននៅលើពិភពលោក។ តាមរយៈការអត្ថបទរបស់ Liberty Carz លោកអ្នកអានអាចមើលឃើញយ៉ាងច្បាស់ហើយថារថយន្តទាំងនេះដើរតួជាមូលដ្ឋានគ្រឹះដំបូងនៃឧស្សាហកម្មរថយន្តពិភពលោករហូតមកដល់សព្វថ្ងៃនេះ ដែលមានរចនាបថ និងបច្ចេកវិទ្យាដ៏ទំនើបបានគ្រប់គ្រងកេរដំណែល "អ្នកចម្បាំង" ។ រថយន្តទាំងនេះនៅតែបន្តមានឥទ្ធិពល និងផ្លាស់ប្ដូរពិភពយានយន្តបច្ចុប្បន្នផងដែរ។
ព័ត៌មានដែលពាក់ព័ន្ធ
ម៉ាស៊ីនគ្រហឹម ឡានទំនើបៗប្រមូលផ្តុំគ្នា - Cambodia Gumball 3000 ផ្ទុះនៅកម្ពុជា!
ព័ត៌មាន - SEP 19, 2024
កាលពីថ្ងៃទី 15 ខែកញ្ញា រាជធានីភ្នំពេញ រាជធានីនៃប្រទេសកម្ពុជាត្រូវបានពន្លើឡើងទាំងស្រុងដោយសំឡេងគ្រហឹមនៃម៉ាស៊ីន ខណៈដែល Gumball 3000 ដែលជាព្រឹត្តិការណ៍រថយន្តប្រណិតលំដាប់កំពូលមួយរបស់ពិភពលោកបានបើកកម្មវិធីដ៏ប្រណិតរបស់ខ្លួនជាផ្លូវការ។ ពិធីបុណ្យនៃល្បឿន និងចំណង់ចំណ
រថយន្តសេដានទំហំមធ្យមល្អបំផុតឆ្នាំ 2024៖ ជម្រើសកំពូលសម្រាប់គ្រួសារខ្មែរ
ព័ត៌មាន - OCT 17, 2024
ស្វែងយល់ពីរថយន្តសេដានទំហំមធ្យម 7 ល្អបំផុតឆ្នាំ 2024 សម្រាប់គ្រួសារខ្មែរ។ មគ្គុទ្ទេសក៍ទូលំទូលាយរបស់យើងពន្យល់ហេតុអ្វីបានជា ម៉ូដែលដូចជា Toyota Camry, Honda City និង Kia K5 ផ្តល់នូវការរួមបញ្ចូលដ៏ល្អឥតខ្ចោះរវាងភាពងាយស្រួល សុវត្ថិភាព និងតម្លៃសមរម្យ ក្នុងទីផ្សារ
យល់ដឹងអំពីរថយន្តសេដាន៖ ការពន្យល់, ប្រភេទ, និងម៉ូដែលពេញនិយម
ព័ត៌មាន - OCT 15, 2024
ស្វែងយល់ជ្រាបអំពីរថយន្តសេដានតាមរយៈមគ្គុទ្ទេសក៍ទូលំទូលាយរបស់យើង។ រីករាយក្នុងការរៀនអំពីនិយមន័យ, លក្ខណៈសំខាន់ៗ, និងស្វែងរកប្រភេទផ្សេងៗ រួមទាំងទំហំមធ្យម, អន្តរបច្ចេកទេស, ប្រណីត, និងកីឡា។ ស្គាល់ពីម៉ូដែលពេញនិយមបំផុតនៃឆ្នាំ 2024។
មគ្គុទ្ទេសក៍ពិស្ដារអំពីប្រភេទរថយន្ត និងរចនាប័ទ្មរាងកាយ
ព័ត៌មាន - OCT 07, 2024
ស្វែងយល់អំពីប្រភេទរថយន្តផ្សេងៗ និងរចនាសម្ព័ន្ធរថយន្ត រួមទាំង Sedan SUV និងរថយន្តអគ្គិសនី ជ្រើសរើសរថយន្តត្រឹមត្រូវជាមួយ LibertyCarz
អ្នកមើលភាគច្រើន
ស្វែងយល់អំពី "ពិភពរថយន្ត" របស់កម្មវិធី Liberty Carz ដែលមានរថយន្តរហូតដល់ទៅជាង ៧០០០ គ្រឿង
JAN 18, 2024
Liberty Carz ក្នុងឆ្នាំ២០២៣៖ ពីក្តីប្រាថ្នាក្នុងការនាំនូវបរិបទថ្មីសម្រាប់ពាណិជ្ជកម្មរថយន្ត រហូតក្លាយទៅជាកម្មវិធីសម្រាប់ការទិញ លក់ និងជួលរថយន្តលេខ ១ នៅប្រទេសកម្ពុជា
JAN 05, 2024
ការធ្វើបច្ចុប្បន្នភាពលើកម្មវិធី Liberty Carz៖ រូបរាងថ្មី ទាន់សម័យសម្រាប់ការទិញយ៉ាងងាយ!
JAN 29, 2024
តើមានអ្វីថ្មីនៅក្នុងឆ្នាំ ២០២៤? Lexus RZ300e កំពុងតែមានការចាប់អារម្មណ៍ខ្លាំងក្នុងឆ្នាំថ្មីនេះ!
JAN 02, 2024
សមិទ្ធផលរបស់ពួកយើង៖ កម្មវិធី Liberty Carz - កម្មវិធីសម្រាប់ការទិញ លក់ និងជួលរថយន្តលេខមួយនៅក្នុងប្រទេសកម្ពុជា
កម្មវិធី Liberty Carz បាននាំយកមកនូវបរិបទថ្មីសម្រាប់ឧស្សាហកម្មរថយន្តក្នុងប្រទេសកម្ពុជាជាមួយនឹងសមិទ្ធផលដ៏គួរឲ្យចាប់អារម្មណ៍ក្នុងទីផ្សាររថយន្តអនឡាញនេះ។
14.6K+
ឡាន
672
ហាង
9,318
រថយន្តលក់ចេញ
924
រថយន្តត្រូវបានត្រួតពិនិត្យ