ព័ត៌មាន: ក្រុមហ៊ុន Rimac បានសហការជាមួយក្រុមហ៊ុន Kia ក្នុងការបង្កើតតាក់ស៊ីស្វ័យប្រវត្តិ ដែលរំពឹងថានឹងធ្វើពាណិជ្ជកម្មនៅឆ្នាំ ២០២៦

ក្រុមហ៊ុន Rimac ដែលជាក្រុមហ៊ុនផលិតរថយន្តទំនើបរបស់ប្រទេសក្រូអាត ដែលត្រូវបានគេស្គាល់ថាជាក្រុមហ៊ុនផលិតរថយន្តអគ្គិសនីបែប Hypercar ដែលមានឈ្មោះថា Nevera កំពុងតែចាប់ផ្ដើមស្វែងយល់បន្ថែមពីវិស័យតាក់ស៊ីស្វយ័ត។ ក្រុមហ៊ុននេះកំពុងធ្វើការសហការគ្នាជាមួយក្រុមហ៊ុន Kia លើគម្រោងចល័តទាំង ៣  ដែលមានគោលបំណងដាក់ឱ្យដំណើរការសេវាកម្មតាក់ស៊ីស្វ័យប្រវត្តិជាលក្ខណៈពាណិជ្ជកម្មនៅក្នុងឆ្នាំ ២០២៦ ។

បន្ថែមពីការផលិត​រថយន្ត​អគ្គិសនី​ដែល​មាន​គុណភាព​ខ្ពស់ ក្រុមហ៊ុន Rimac បាន​ចាប់​ដៃគូ​សហការជាមួយក្រុមហ៊ុន Hyundai ដើម្បីផលិត​រថយន្ត​ស្ព័រស៊េរីថ្មីមួយ។ ឥឡូវនេះ ក្រុមហ៊ុនទាំងពីរកំពុងតែផ្ដោតចំណាប់អារម្មណ៍ទៅលើការអភិវឌ្ឍរថយន្តតាក់សុីមនុស្សយន្ត ឬ robotaxis ជារថយន្តអគ្គិសនីស្វយ័តលក្ខណៈពេញលេញ ដែលត្រូវបានរចនាឡើងដើម្បីដំណើរការដោយមិនចាំចាប់ត្រូវការការអន្តរាគមន៍ពីមនុស្សនោះឡើយ។

យន្តតាក់សុីមនុស្សយន្ត ឬ robotaxis មួយប្រភេទនេះបង្ហាញពីវឌ្ឍនភាពដ៏អស្ចារ្យរបស់ក្រុមហ៊ុន Rimac ដោយរថយន្តនេះនឹងត្រូវបានដាក់ឪ្យដំណើរការក្រោមហេដ្ឋារចនាសម្ព័ន្ធថ្មីរួមមានដូចជា ស្ថានីយ៍សាកថ្ម កន្លែងផ្ទុកសម្ភារៈ និងកន្លែងចតរថយន្ត។ 

ដើម្បីចាប់ផ្តើមគម្រោងដ៏ធំមួយនេះ ក្រុមហ៊ុន Rimac កំពុងតែគ្រោងក្នុងការបង្កើតរោងចក្រ នៅក្នុងប្រទេសក្រូអាតសម្រាប់ការផលិតតាក់ស៊ីស្វ័យប្រវត្តិនេះ ព្រមទាំងសមាសធាតុរបស់វាផងដែរ។ ដំណាក់កាលសាកល្បងនឹងចាប់ផ្តើមនៅក្នុងរដ្ឋធានី ហ្សាហ្គ្រេប មុនពេលពង្រីកទៅកាន់ទីក្រុងផ្សេងទៀតក្នុងប្រទេសក្រូអាត ដែលនឹងបង្ហាញពីការបោះជំហានឆ្ពោះទៅមុខចំពោះចល័តភាពក្នុងការរស់នៅទីក្រុងផងដែរ។