ព័ត៌មាន: ឆ្ពោះទៅកាន់បរិបទថ្មី៖ មកស្វែងយល់ពីជម្រើសរថយន្តកំពូលទាំង ១០​ នៅក្នុងឆ្នាំ ២០២៣

នេះជាពេលវេលាដ៏ល្អមួយ ក្នុងការបង្ហាញនូវជម្រើសរថយន្តកំពូលទាំង ១០​ កំពុងតែមានឈ្មោះបោះសម្លេងនៅក្នុងឆ្នាំ ២០២៣​ ដែលត្រូវបានធ្វើការជ្រើសរើសតាមបោះឆ្នោតដោយ កម្មវិធី Top Gear របស់ប៉ុស្តិ៍​ទូរទស្សន៍ BBC។ តើលោកអ្នកចង់ដឹងទេថារថយន្តទាំង ១០ នេះជារថយន្តមកពីក្រុមហ៊ុនណាខ្លះ?​ តោះ! មុននឹងឈានដល់ឆ្នាំថ្មី សូមលោកអ្នកមកស្គាល់ពីរថយន្តទាំង ១០​ ដែលមានភាពល្បីល្បាញនៅក្នុងឆ្នាំ ២០២៣​ ទាំងអស់គ្នា!

១. Porsche 911 Dakar

នាពេលខាងមុខនេះ អតិថិជនគ្រប់រូបនឹងបានឃើញនូវកំណែទម្រង់ថ្មីរបស់រថយន្តម៉ាក Porsche 911 ជាក់ជាមិនខាន។ រថយន្តម៉ូដែល 992 ស៊េរីចាស់នេះនឹងទទួលបានការអាប់ដេតទៅជារថយន្តជំនាន់ថ្មីស៊េរី 911 ដែលផលិតឡើងទៅជារថយន្តអគ្គិសនីលក្ខណៈ hybrid ផងដែរ។ 

២. Lamborghini Huracan Sterrato

ជើងខ្លាំងមិនមានត្រឹមតែរថយន្តម៉ាក Porsche ប៉ុណ្ណោះ​ទេ ប៉ុន្តែ Lamborghini ក៏​កំពុង​តែវាយលុកទីផ្សារ​រថយន្ត​ស្ព័រ​លក្ខណៈ Off Road ផង​ដែរ! Lamborghini កំពុងតែត្រៀមខ្លួនក្នុងការស្វាគមន៍រថយន្តស៊េរីថ្មីម៉ាក Sterrato ដែលនឹងចាប់ផ្តើមផលិតក្នុងពេលឆាប់ៗនេះ។ អ្នកគាំទ្រអាចរំពឹងទៅដល់ការរចនាថ្មីដ៏ប្រណិត ដែលនឹងធ្វើអោយអ្នកដំណើរនៅតាមផ្លូវងាកមកមើលខណៈពេលកំពុងបើកបរជាក់ជាមិនខាន។ 

៣. Range Rover Sport SV

ផ្នែកប្រតិបត្តិការយានជំនិះពិសេសរបស់ Land Rover កំពុងតែផ្ដោតសំខាន់ទៅលើការកែច្នៃម៉ាកយីហោ Range Rover ដោយធ្វើការបង្រួបបង្រួមគម្រោងរថយន្តនាពេលខាងមុខទាំងអស់ក្រោមអោយស្ថិតនៅក្រោមស្លាក ‘SV’ ថ្មី ដ៏មានភាពទាន់សម័យមួយ។ តូចតែខ្លឹម! ម៉ាស៊ីនរថយន្តក្រោមយីហោថ្មីនេះផ្ទុកទៅដោយកម្លាំង V8 ចំណុះ 5.0 លីត្រ ដែលកំពុងតែមានភាពល្បីល្បាញ និងអាចប្រៀបធៀបទៅនឹងម៉ាសុីនរបស់រថយន្ត twin-turbo BMW-shared V8 បានផងដែរ។

៤. Alpine A110R

នៅក្នុងការអាប់ដេតដ៏គួរឱ្យភ្ញាក់ផ្អើលនេះ រថយន្តម៉ាក Alpine បានឆ្លងកាត់ការកែសម្រួលរូបរាងយ៉ាងអស្ចារ្យ​ ដែលបានធ្វើឲ្យរថយន្តនេះកាន់តែមានទម្ងន់ស្រាលជាងរថយន្តស៊េរីចាស់ៗដល់ទៅ 34 គីឡូក្រាមឯណោះ។ ការផ្លាស់ប្ដូរនេះសង្កត់ធ្ងន់ទៅលើការបញ្ចូលសមាសធាតុកាបូនទៅក្នុងការផលិតតួរថយន្តដែលមានដូចជា ដំបូលថ្មី អេក្រង់ខាងក្រោយ និងកង់ផងដែរ។ នេះមិនត្រឹមតែធ្វើអោយយានយន្តទាំងមូលឲ្យមានទម្ងន់ស្រាលជាងមុនតែប៉ុណ្ណោះទេ ប៉ុន្តែក៏ជួយទៅដល់ការកម្លាំងអូសរបស់រថយន្តផងដែរ។ ជាងនេះទៅទៀត A110 ក៏បានទទួលការកែលម្អទៅលើរចនាសម្ព័ន្ធ មួយចំនួនរបស់វា ដែលជាលទ្ធផលបង្កើនទៅដល់ភាពរឹងមាំរបស់តួរថយន្តនេះ។

៥. Mercedes-AMG C63

កាន់តែអស្ចារ្យ! រថយន្តម៉ាក Mercedes-AMG C63 បានត្រលប់មកវិញហើយ ជាមួយនឹងការរចនាថ្មីដោយការបំពាក់ជាមួយម៉ាស៊ីនលក្ខណៈ Hybrid ដែលមានម៉ាសុីនស៊ីឡាំង 2.0 លីត្រ កម្លាំង 670 សេះ និងកម្លាំងបង្វិល 752 ផោនហ្វីតផងដែរ។ រថយន្តនេះមានរាងតូចបន្តិចមែន តែខ្លឹមតែម្ដង!