ព័ត៌មាន: 5 គន្លឹះសំខាន់ៗដែលអ្នកគួរដឹងក្នុងការទិញឡានមួយទឹកនៅកម្ពុជា

ការទិញឡានមួយទឹកអាចជាជម្រើសមួយដ៏ល្អ និងសន្សំសំចៃសម្រាប់ប្រជាជនប្រទេសកម្ពុជា។ ជាមួយនឹងជម្រើសរថយន្តជាច្រើនប្រភេទដែលមាននៅលើទីផ្សារ វាពិតជាចាំបាច់ក្នុងការត្រួតពិនិត្យ​ និងធ្វើការសម្រេចចិត្តល្អិតល្អន់ ដើម្បីធានាថាអ្នកបានធ្វើការវិនិយោគមួយដែលត្រឹមត្រូវ។ នៅក្នុងអត្ថបទនេះ យើងខ្ញុំនឹងផ្តល់ជូនអ្នកនូវគន្លឹះសំខាន់ៗចំនួន 5 ដើម្បីពិចារណានៅពេលទិញឡានមួយទឹកក្នុងប្រទេសកម្ពុជា។ គន្លឹះទាំងនេះនឹងជួយអ្នកធ្វើការសម្រេចចិត្តត្រឹមត្រូវ និងទទួលបាននូវបទពិសោធន៍ទិញដោយរលូន។

• កំណត់ថវិការបស់អ្នក

មុនពេលនឹងអ្នកធ្វើការស្រាវជ្រាវទីផ្សារឡានមួយទឹក អ្នកត្រូវចាំបាច់កំណត់ថវិកាដែលសមស្របនឹងស្ថានភាពហិរញ្ញវត្ថុរបស់អ្នកជាមុនសិន។ អ្នកត្រូវពិចារណាថាតើអ្នកអាចចំណាយប្រាក់បានប៉ុន្មាន ទៅលើកត្តាដូចជាតម្លៃទិញឡាន ធានារ៉ាប់រង ពន្ធ និងថ្លៃថែទាំផ្សេងៗ។ តាមរយៈការកំណត់ថវិកានេះ អ្នកនឹងអាចផ្តោតការស្វែងរករបស់អ្នកលើរថយន្តណាដែលស្ថិតក្នុងជួរតម្លៃរបស់អ្នក និងជៀសវាងបញ្ហាផ្សេងៗបាន។

 

• ស្រាវជ្រាវទីផ្សារ

អ្នកត្រូវចំណាយពេលខ្លះដើម្បីស្រាវជ្រាវទីផ្សារឡានមួយទឹកក្នុងកម្ពុជា។ ឥឡូវនេះកម្មវិធី Liberty Carz គឺជាវេទិកាដ៏ពេញនិយមមួយដែលអ្នកអាចស្វែងរកជម្រើសជាច្រើននៃប្រភេទរថយន្ត។ លើសពីនេះទៀត រកមើលតាមរយៈការផ្សាយពាណិជ្ជកម្ម និងវេទិកាអនឡាញផ្សេងៗទៀត ដើម្បីដឹងនូវតម្លៃសម្រាប់ម៉ូដែលរថយន្តផ្សេងៗគ្នាផងដែរ។

 

• ការពិនិត្យ និង​បើកបរសាកល្បង

នៅពេលដែលអ្នករកឃើញរថយន្តដែលអ្នកចាប់អារម្មណ៍ហើយ ការត្រួតពិនិត្យឱ្យបានហ្មត់ចត់មុនពេលសម្រេចចិត្តទិញពិតជាសំខាន់ណាស់។ ចូរអ្នករកមើល ភាពច្រែះ ប្រឡាក់ ឬថ្នាំលាបមិនដូចគ្នា។ ចូរពិនិត្យសំបកកង់ ហ្វ្រាំង និងភ្លើងសម្រាប់បញ្ហាណាមួយ។ កុំភ្លេចពិនិត្យមើលនៅខាងក្នុងរថយន្ត ផ្ទាំងគ្រប់គ្រង និងគ្រឿងអេឡិចត្រូនិចផ្សេងៗផងដែរ។ ជាចុងក្រោយ សូមយករថយន្តទៅធ្វើតេស្តបើកបរសាកល្បង ដើម្បីវាយតម្លៃនូវដំណើរការ ការគ្រប់គ្រង និងសំឡេងប្លែកៗនានា។

 

• ផ្ទៀងផ្ទាត់ប្រវត្តិរបស់រថយន្ត

សូមអ្នកស្នើសុំរបាយការណ៍ពីប្រវត្តិរបស់រថយន្តដែលផ្តល់ព័ត៌មានអំពីប្រវត្តិកម្មសិទ្ធិរបស់រថយន្ត ប្រវត្តិគ្រោះថ្នាក់ និងប្រាក់កម្ចីដែលនៅសេសសល់។ អ្នកត្រូវប្រាកដថាអ្នកលក់បានផ្តល់ឱ្យអ្នកនូវឯកសារដើម ដើម្បីផ្ទៀងផ្ទាត់ព័ត៌មានលម្អិតនិងលេខអត្តសញ្ញាណរបស់រថយន្ត (VIN) នៅលើតួ និងម៉ាស៊ីន។

 

• ទទួលបានការត្រួតពិនិត្យ និងចរចារដោយអ្នកជំនាញ

អ្នកគួរតែអោយអ្នកជំនាញខាងរថយន្តត្រួតពិនិត្យរថយន្ត មុននឺងទិញ។ ពួកគេអាចរកឃើញនូវបញ្ហាណាដែលអាចទាមទារការជួសជុលថ្លៃនាពេលអនាគត។ ប្រសិនបើមានបញ្ហាណាមួយត្រូវបានរកឃើញ សូមអ្នកយកព័ត៌មាននេះដើម្បីចរចាតម្លៃ ឬសួរអ្នកលក់ឱ្យដោះស្រាយបញ្ហាមុនពេលទិញ។

 

ការ​ទិញ​រថយន្ត​មួយទឹកនៅ​ក្នុង​ប្រទេស​កម្ពុជា​អាច​ជា​បទពិសោធន៍​ដ៏​ល្អ​មួយ​ ប្រសិន​បើ​អ្នក​អនុវត្ត​តាម​គន្លឹះ​សំខាន់ៗ​ទាំង​ប្រាំ​នេះ។​ ​គន្លឹះទាំងប្រាំនេះ គឺជាជំហានសំខាន់ដើម្បីធានាបាននូវការទិញដោយជោគជ័យ។ 

នៅពេលដែលលោកអ្នកបានទិញរថយន្តមួយទឹកតាមរយៈLiberty Carz App លោកអ្នកអាចមានទំនុកចិត្តបានយ៉ាងរឹងមាំថាគ្រប់រថយន្តទាំងអស់ គឺត្រូវបានត្រួតពិនិត្យយ៉ាងច្បាស់លាស់បំផុត។ មិនតែប៉ុណ្ណោះ យើងខ្ញុំធានាលើតម្លៃរថយន្តមានភាពសមរម្យ​ ដែលភ្ជាប់មកនូវអត្ថប្រយោជន៍ផ្សេងៗដូចជា កញ្ចប់ថែទាំរថយន្ត និងកញ្ចប់ធានារ៉ាប់រងផងដែរ។ ដូច្នេះសូមទាញយក Liberty Carz App ដើម្បីស្វែងរកនិងទិញរថយន្តដែលអ្នកពេញចិត្តឥឡូវនេះ។ សូមចុចនៅត្រង់នេះ។ https://libertycarz.onelink.me/pa8R/rsvpcjud