CamAuto 2023 បានប្រារព្ធឡើងនៅថ្ងៃទី 14 15 16 ខែកញ្ញា ឆ្នាំ 2023 នៅមជ្ឈមណ្ឌលកោះពេជ្រ អំពីវិស័យរថយន្ត ទីផ្សាររថយន្ត និងគ្រឿងបន្លាស់ផ្សេងៗសម្រាប់រថយន្ត ដែលទទួលបានការគាំទ្រ និងការជ្រោមជ្រែងពីក្រសួងរៀបចំដែនដី និងក្រសួងទេសចរណ៍។ ព្រឹត្តិការណ៍នេះត្រូវបានធ្វើឡើងជាលក្ខណៈអន្តរជាតិ ដែលក្នុងនោះមានផលិតផលជាង 500 ប្រភេទត្រូវបានដាក់បង្ហាញ ជាមួយនឹងម៉ាកយីហោ ក្រុមហ៊ុនគ្រឿងបន្លាស់រថយន្ត បច្ចេកវិទ្យា និងផលិតផលជាច្រើនផ្សេងទៀតបានចូលរួមក្នុងព្រឹត្តិការណ៍នេះរួមទាំង Liberty Carz ដែលជាកម្មវិធី ទិញ លក់រថយន្តទំនើបឈានមុខគេនៅកម្ពុជាផងដែរ។ ការតាំងពិព័រណ៌នេះគឺលើសពីការដាក់តាំងបង្ហាញយានយន្ត ប៉ុន្តែនេះគឺជាដំណើរឈានទៅរកវិស័យរថយន្តនៅកម្ពុជា ក៏ដូចជាការអបអរនៃវិស្វកម្មរថយន្តក្នុងប្រទេសកម្ពុជា និងផលិតផលជាច្រើនទៀតដែលទាក់ទងនឹងរថយន្ត ដែលបញ្ជាក់ឱ្យឃើញថាអនាគតនៃវិស័យឧស្សាហកម្មរថយន្តកម្ពុជានឹងវិវត្តន៍មួយកម្រិតទៀត។
ពិព័រណ៍នេះត្រូវបានបញ្ចប់ដោយជោគជ័យដោយមានអ្នកចូលរួមជាង១២.០០០នាក់។ Liberty Carz មានសេចក្តីរំភើបរីករាយក្នុងការចូលរួមក្នុងព្រឹត្តិការណ៍ផ្តាច់មុខនេះ ដែលប្រារព្ធធ្វើឡើងតែម្តងក្នុងមួយឆ្នាំប៉ុណ្ណោះ។ ជាមួយនឹងភាពច្នៃប្រឌិត និងបច្ចុប្បន្នភាពចុងក្រោយបំផុតនៃបច្ចេកវិទ្យារបស់យើង ទស្សនិកជនជាច្រើនបានចាប់អារម្មណ៍ជាមួយកម្មវិធី Liberty Carz របស់យើង និងចង់ដឹងបន្ថែមអំពីលក្ខណៈពិសេសរបស់កម្មវិធី ក៏ដូចជាការរួមបញ្ចូលបច្ចេកវិទ្យាផ្សេងទៀត។ កម្មវិធី Liberty Carz ផ្តល់ជូនអតិថិជនក្នុងការស្វែងរករថយន្តក្នុងក្តីស្រមៃដែលមាននៅក្នុងអេបដោយផ្តល់នូវព័ត៌មានលម្អិត ទិដ្ឋភាព 360 ដឺក្រេ និងការបើកបរសាកល្បងដ៏អស្ចារ្យផងដែរ។ នៅពេលដែលទស្សនិកជនបានស្វែងយល់ពីកម្មវិធី Liberty Carz គឺមានការកោតសរសើរពីសំណាក់ទស្សនិកជនយ៉ាងគួរឱ្យចាប់អារម្មណ៍។ នេះបង្ហាញឱ្យឃើញថាកម្មវិធីរបស់យើងមិនមែនគ្រាន់តែជាកម្មវិធីទូរសព្ទ័ដៃតែប៉ុណ្ណោះទេ ប៉ុន្តែជាស្ពានរវាងបច្ចុប្បន្ន និងអនាគតនៃឧស្សាហកម្មរថយន្តក្នុងប្រទេសកម្ពុជាផងដែរ។
ក្នុងកំឡុងព្រឹត្តិការណ៍ទាំងមូល ពួកយើងក៏បានប្រាស្រ័យទាក់ទងជាមួយទស្សនិកជនតាមរយៈការលេងហ្គេមខ្នាតតូចរបស់យើងដើម្បីទទួលបានរង្វាន់ពិសេសជាច្រើនដូចជា មួក ទឹកអប់រថយន្ត អាវភ្លៀង និងរង្វាន់ជាច្រើនទៀត។ មិនត្រឹមតែប៉ុណ្ណឹង អ្នកប្រឹក្សាជំនាញខាងរថយន្តក៏នៅទីនោះផងដែរ ដើម្បីឆ្លើយតបទៅនឹងសំណួរផ្សេងៗដែលទស្សនិកជនសាកសួរ។ ជាងនេះទៅទៀត ពួកយើងក៏បានផ្លាស់ប្តូរយោបល់ និងពិភាក្សាជាមួយម្ចាស់ផលិតផល និងសេវាកម្មផ្សេងៗបន្ថែមទៀតផងដែរនូវកិច្ចសហការនាពេលអនាគត។ គួរកត់សម្គាល់ថាកម្មវិធី Liberty Carz ទទួលបានការចាប់អារម្មណ៍យ៉ាងខ្លាំងពីសំណាក់ពាណិជ្ជកររថយន្តជាច្រើនដែលបង្ហាញចំណាប់អារម្មណ៍យ៉ាងខ្លាំងក្នុងការសហការជាមួយពួកយើងនាពេលអនាគត។
ជាលទ្ធផល ក្នុងរយៈពេល 3 ថ្ងៃនៃព្រឹត្តិការណ៍នេះ កម្មវិធី Liberty Carz បានទាក់ទាញចំណាប់អារម្មណ៍របស់អតិថិជនបានយ៉ាងច្រើនគួរឲ្យកត់សម្គាល់ដោយមានការដោនឡូតកម្មវិធីជាង 5000 នាក់ និងទទួលបានការឆ្លើយតប និងការសរសើររាប់មិនអស់! ជាមួយនឹងការឆ្លើយតបជាច្រើននេះ យើងអាចសន្និដ្ឋានបានថា Liberty Carz App បានឆ្ពោះទៅកាន់ជំហានមួយដែលឈានទៅរកកម្មវិធីទិញលក់រថយន្តលេខ 1 នៅកម្ពុជា។
យើងខ្ញំុនឹងវិលត្រឡប់មកវិញ និងចូលរួមក្នុងព្រឹត្តិការណ៍ Auto Expo លើកក្រោយៗទៀត និងនាំយកមកនូវបច្ចេកវិទ្យានិងសេវាកម្មថ្មីៗបំផុតជូនដល់អតិថិជនទាំងអស់។ សូមអរគុណចំពោះការចូលរួមជាមួយពួកយើង និងដើម្បីសម្រេចបាននូវរថយន្តក្នុងក្តីស្រមៃរបស់អ្នក។ ជួបគ្នាក្នុងទ្រឹត្តិការណ៍ក្រោយៗទៀត!!